INTERNATIONAL–Naka-iskedyul nga mag pupulong an Greendland Parliament in hisgutan an mga ayat ni US President Donald Trump nga sakupon an Arctic Island, usa nga autonomous nga rehiyon han Denmark, kumo baton ha nagduduroy nga geopolitical tensions nga mayada kalabutan ha Russia ngan China.
Ha usa nga joint statement nga ginpagawas han Biyernes, utro nga ginduon han mga lider han 5 ka political parties ha Inatsisartut, parlyamentarya han Greenland, an kagustuhan han isla para ha sovereignty nga nasalikway ha ideya nga magin parte hini han US o Denmark.
Syahan naman nga ginpahayag ni Trump nga pananag-iya han US an Greenland in pag-iwas han pagkakamayada hhin impluwensya han Russia of China ha isla.
Gin-akusar gihapon han Amerika an kakulangan hin presensya han miliotar han US ilarom han usa nga 1951 NATO agreement ngan nag ayat nga magios an US bisan nadire an Greenlanders nga umilarom ha Estados Unidos.
Sumala ha mga lider han parlyamentarya han Greenland, magigin madali an pagpupulong nira in pagsigurado han usa nga patas ngan maupay nga pag-usisa, kun diin an Independence an magigin sentro han pag-iistorya.
Basar ha us anga 2009 agreement han Greenland ngan Denmark, in mayda katungod an mga Greenlandic people nga magdesisyon para ha ira kalayaan, pero klaro an posisyon han mga lider nga hira an magdedesisyon han ira kabubwason nga waray panginginlabot han mga langyaw labot la ha ira.
