TACLOBAN | Aksidente nga nadiskubrehan an usa nga green sea turtle ha usa nga fish cage sa Sitio Kaliro, Diit, Tacloban City.
Sumala kan Domingo Tonod, nakit-an niya an nasabi nga pawikan, nga naglulutaw- ha iya fish cage.
Dayon naman hiya nakipag-sumpayan ha Fishery Law Enforcement Team (FLET) agud nga mabuligan ngan matalwas an nasabi nga pawikan.
Nabaruan nga an nasabi nga green sea turtle, in nag-eedad hin 5-8 anyos.
Ginpanginanu naman ine hiton Department of Environment and Natural Resources (DENR), kun diin ha ira panginano gintutuohan an nasabi nga pawikan nga naka-kaon hin mga plastic debris rason han iya kamatay.
Ginsagdunan naman han buhatan an publiko,batasanon an paglalabog hin sakto, ngan likayan an maglabog hin basura ha kadagatan, matungod nga nakaka-guba ine han yamang-dagat. ngan agud malikayan an pulosyon.
