Nagdurot an grabi nga pag-uran hin pagparik han tuna ha parte han Mt. Fuji ha Shizouka Prefecture, samtang haluwag naman nga pagbaha an naabatan ha pira nga parte han central Japan.
Sumala kan Bombo International News Correspondent Shimane-Ken, Japan, Clarisa Saori Omega, nga mahitungod han makusog nga buhos han uran, in natabunan hin lutak ngan bato an parking area han Fujinomiya Trail, pero waray naman may nahipatik nga casualty o nasamaran ha nasabi nga insidente.
Mahitungod ha malain nga panahon, temporaryo nga ginsaradhan an Fuji Subaru Line, usa nga pangunahon nga aragian ha nasabi nga bukid.
Dugang pa hini, nga labot la ha landslide ha Mt. Fuji, usa pa nga landslide an nahipatik ha Kawanehon, kun diin, usa iton patay mahuman nga ma-trap ha nagparik nga tuna.
Naeksperyensiyahan gihapon an epekto han makusog nga pagu-uran ha prefecture han Aichi ngan Gifu, kun diin umabot ha 41 ka-tawo an samaran mahitungod ha pagbaha.
Samtang, nagpahimatngun naman an Japan Meteorological Agency nga posible magpadayon pa an makusog nga pag-uran ha pira nga parte han northeastern ngan western Japan.
