NATIONAL NEWS– Ginsigurado ni Pangulong Ferdinand Marcos Jr. nga gin-papaningkamutan han iya administrasyon para mapakusog pa an turismo han nasud.
Ginpahayag han Pangulo nga nakikipagsumpayan na an gobyerno ngan an private sector, para ha reporma nga gindudumara ha pagkayana para turismo han Pilipinas.
Ha 36th Joint meeting of the UN Tourism Commission for East Asia, and the Pacific and UN Commission for South Asia, ginpaangbit han Pangulo nga pira ha mga reporma nga karuyag niya igpatuman in an paghahatag hin dire istrikto ha visa, upayon pa an water sanitation ngan pagpapatindog hin health care facilities ha mga tourist destinations.
Nagtutuo mangud an Presidente, nga mag-aghat pa hin damo nga nasud ngan mas damo pa nga turista an pumakanhi ha nasud.
