NATIONAL – Ginpahayag han Department of Foreign Affairs (DFA) nga waray gahom an gobyerno han Pilipinas nga balabgan an hingyap nga asylum ni anay presidential spokesperson Atty. Harry Roque ha The Hague, Netherlands.
Sumala kan DFA Migrant Workers Affairs USec. Eduardo de Vega, mabaton an Pilipinas kun maghingyap an gobyerno han Dutch nga mag-isplikar ha mga ginpresentar nga rason ni Roque.
Dugang pa ni de Vega, igpapahayag han nasud nga mayda ini demokrasya ngan diri tinu-od an akusasyon ni Roque nga politikal nga pakara-ot kontra ha iya.
Manunumduman nga tigda nagpakita hi Roque ha publiko mahuman nga madakop hi anay President Rodrigo Duterte han International Criminal Court ngan gindara ha The Hague, Netherlands.
Ini an siyahan nga higayon nga nagpakita an anay opisyal mahuman nga isyuhan hiya hin arrest order han House Quad Committee kasumpay han pagkadabi ha ilegal nga operasyon han POGO.
