NATIONAL – Nakaandam an gobyerno nga ibalik an pondo han Philhealth kun ini in igmamando han Korte Suprema.
Ginpakianhan mangud ni Akbayan party-list Rep. Chel Diokno hi Finance Sec. Ralph Recto kun ano an magigin pitad han gobyerno kun ipauli han Korte Suprema an pondo han Philhealth na ngan Philippine Deposit Insurance Corp. nga iginbalik ha National Treasury.
Ha budget briefing han DBCC, napakiana ni Diokno kun patinunan-o mabaton an gobyerno kun magdesisyon an SC pabor ha petitioners nga gindeklara nga unconstitutional an pagbalhin ha National Treasury hin P60B nga pondo han PhilHealth ngan P104B han PDIC nga presente nga ginhahampangan han SC.
Sumala kan Recto nga ha bisa naman ha Department of Finance Circular 003-2024 ginbalhin ha national treasury an P60B tikang ha sobra nga pondo han PhilHealth.
Gingamit gihapon ini para ha proyekto nga aada ha unprogram appropriations sugad na la han Health Emergency Allowances han COVID-19 frontliners.
