NATIONAL – Sentro han mahugot nga istoryahon ha 27th Parliamentary Intelligence-Security Forum an nagtitikahaluag nga impluwensya ngan agresibo nga mga pitad han China nga baga-baga daw hin hulga ha kalibutan.
Nagpahimatngon an usa nga security expert ngan mga magbabalaod tikang ha Estados Unidos kasumpay ha nagtitikaduro nga military agression, ekonomiko nga pamimirit, ngan panginginlabot han Beijing ha mga demokrasya ha bug-os nga nasud.
Gin batikos nira anay U.S. Congressman Robert Pittenger, U.S. Senator Bill Cassidy, ngan anay Deputy National Security Advisor Matt Pottinger an China.
Gin akusaran han mga ine an Chinese Communist Party (CCP) hin pagpapaluya ha world peace pinaagi han ekonomiko nga panguwat, panginginlabot ha politika, ngan pagpapahaluag han ira militar.
Sumala kan anay US Cong. Pittenger, an China an pangunahon nga taga-suporta han mga authoritarian regime.
Gin sukna gihapon hine an paggamit han China hin cyber warfare, ekonomiko ngan pangingikil, ngan mga ilegal nga financial network agud magkamay-ada hin politikal nga kontrol ha mga magluya nga nasud.
Ha usa nga video message, tahasan nga ginmalatumat ni Cassidy nga gingagamit han Beijing an korapsyon agud palaprakon an mga demokrasya.
Nagpahimatngon naman ine ha paggamit han China ha iba nga foreign leaders pinaagi han ileagl nga insentibo nga pan-pinansyal nga nahingadto ha pagigin economically dependent.
