TACLOBAN CITY – Nagpapabilin pa ha ospital an usa ha mga gintutuuhan nga tawo ni self confessed druglord Kerwin Espinosa mahuman ini nga pagpusilon ha Albuera, Leyte.
Sumala kan PSInsp. Salvador Apacible, hepe han Albuera PNP, ginkilala an biktima nga hi Jaime Bacatan, 47 anyos an pangidaron, may asawa ngan residente han Brgy. Benolho, Albuera, Leyte.
Gintutuuhan nga may kalabutan ha ilegal nga droga an motibo han mao nga insidente mahitungod na gihapon ha pahayag han pira nga mga testigo nga daw konektado an mao nga biktima ha mga Espinosa kun diin look out daw ini han ira transaksyon ha ira lugar.
Ha pagkayana in padayon naman an ginbubuhat nga imbestigasyon bahin han mao nga panmumusil.
Mahibabaruan nga tikang han maging hepe han Albuera hi PSInsp. Apacible, tulo na nga shooting incident an nahipatik kun diin may kalabutan an mga ini ha ilegal nga droga.
