NATIONAL – Iginduon han gintanggal nga hi Board of Special Inquiry Chief Atty. Gilberto Repizo nga dire hine susugton an ginpagawas nga direktiba ni Department of Justice Secretary Jesus Crispin Remulla.
Ha usa nga surat ni Atty. Gilberto Repizo, iya ine ginpaangbit kadungan han pagkwestyon ha iya pagkakatanggal tikang ha pwesto.
Kun diin, gintagan-duon hine an katungod nga nakasurat ha usa nga resolusyon han Civil Service Commission partikular ha 2017 Omnibus Rules on Appointment and other Human Resource Actions.
An iya pagsusumite hin surat ha opisina ni Justice Secretary Jesus Crispin Remulla in ginpahibaro gihapon hine kanda Immigration Commissioner Joel Anthony Viado ngan nakatalaan nga acting chief han Board of Special Inquiry nga hi Atty. Ruben Casibang Jr.
An nasabi nga pitad in kahuman nga tanggalon ine ha pwesto ni Secretary Remulla ngan dayun nga balyuan ha pwesto.
Basar manggud ha gin isyu nga Department Order han sekretarya in ‘reassigned’ hi Atty. Repizo ngan temporaryo anay nga ma-report ha Office of the Justice Secretary.
