-- Advertisements --
SPORTS–Nagin sulit an ginbuhat nga paglanat han Barangay Ginebra nga pirdihon an Titan ha score nga 108-105 ha nagpapadayon nga PBA Philippine Cup nga ginbubuhat ha Smart Araneta.
Ini na na ika lima nga sunod nga daog han Gin Kings kun diin mayada hira 7 ka daog ngan 4 nga pirdi.
Matungod hini in sulod hira ha quarterfinals kun diin makakaatubang nira an Converge.
Bumida ha daog han Kings hi Stephen Holt nga nakahipatik hin 27 ka puntos samtang mayada 24 ka puntos hi RJ Abarrientos.
Umabot pa ha 16 an lamang han Titan pero waray bumul-iw an Ginebra ngan ira ini ginlanat hangtod nga nakuha an kadaugan.
Waray naman umubra an ginhimo nga 31 ka puntos tikang kan Joshua Munzon ngan 28 points ngan 11 ka rebounds ni Calvin Abueva ha Titan.
