NATIONAL–Sobra 3 ka bulan mahuman han paglasurbo han Typhoon Tino, ginatos-gatos kapamilya ha Talisay City an nagpapabilin nga waray permanente nga panimalay.
Umabot ha 214 kapamilya an nagpapadayon nga nangungukoy ha mga tent mahuman nga gindara han bagyo an ira mga panimalay ha Managa River.
kalakip ha mga apektado kay mga lagas, burod, ngan gugtiay nga mga bata nga kada adlaw in naatubang ha grabe nga kabaraka ngan kakurian ha pagkakabuhi.
Nakakarawat an mga nasabi nga pamilya hin bulig tikang ha Philippine Red Cross (PRC), sugad han mga non-food items, agud nga ,abuligan hira nga makatindog ha pagpapabilin ha mga evacuation centers.
Ginpahayag naman han pira nga mga residente nga damo an nakukurian ha pagbaton han financial requirements agud nga bumalhin kun diin kinahanglan an P15-K nga down payment ngan P17-K ha monthly amortizations sulod hiton tulo katuig.
Ha presente in nagpapabilin an mga pamilya ha San Roque ngan Biasong Tent Cities pero harani la gihapon ine ha salog ngan madagmit nga nababahaan.
Ginsigurado han PRC nga andam hira magpatindog hin 300 full shelters para ha mga pamilya nga apektado hiton linog ngan bagyo ha Cebu.
Nanawagan naman an PRC ha mga partners, donors, ngan ha mas haluag nga komunidad nga maghatag hin dugang nga shelter support.
