TACLOBAN CITY – Mas dumamo pa an mga bumisita ha Palo Public Cemetery dida han Nobyembre 2, urhi nga adlaw han Undas kun diin, ginatos-gatos an nahipatik nga nagkaulpot labi na dida han gab-i.
Durante han pagdamo han bisita nga gawas-sulod han sementeryo in nagpakaistambay naman an mga kapulisan, brgy. tanod, traffic enforces, medics ngan volunteers agud bumulig ngan siguraduhon nga andam an mga ini ha bisan ano nga mga emergency.
Sumala kan Palo MDRRMO Communications and Warning, Franco Barredo nga daw mas domoble pa an ihap han mga bisita dida han gab-i.
Dugang pa hini nga ha bug-os han ira pagbabantay dida han Undas in waray naman nira may nahipatik nga mga untoward incidents ngan nagin mahimyang an ira pagtapo hini nga pagdumdum.
Nakakumpiskar naman hira hin usa nga sundang, dara han usa nga lalaki nga unta in maglilimpyo ha pancheon, pero dayon naman nga ginsurender ini nga gamit ngan waray gihapon magpakita hin resistance an mao nga lalaki.
Samtang nahipatik gihapon nga nagin mabug-at an trapiko ha mao nga sementeryo ngan mas naghuruot pa ini pag-ulpot naman han gab-i.
