NATIONAL – Kaparte han multilateral defense treaty ha butnga han Pilipinas ngan Estados Unidos ang Navy-Marine Expeditionary Ship Interdiction System o NMESIS missile system para ha paghag-id han militar han nasud.
Ine an ginpahayag ni Senate Committee on Maritime and Admiralty Zones Chairman Senador Francis Tolentino kahuman han pagde-deploy han Amerika ha nasud han NMESIS kumo kaparte ha Balikatanan joint military exercises nga nagtikang dida han nakalabay nga adlaw, Abril 21.
Duon ni Tolentino, an ginyayakan daw nga killer missiles in dire hulga o pangayat, kundi kaparte han paghag-id.
Samtang, gin abuyunan gihapon ni Tolentino an ginpahayag ni Armed Forces of the Philippines chief General Romeo Brawner Jr. nga an balikatan yana in magigin full battle test kun diin an ngatanan han military doctrines ngan procedures in tetestingan.
Dugang pa hine, bisan anu nga pitad nga magpapakusog ha defense capabilities ngan cross military training kaupod an iba pa nga mga kaalyado nga nasud in suportado han senador.
Syahan na nga ginsuhestyon ni Tolentino nga ig upod ha Balikatan exercises an paghag-id han posible nga kasamok nga posible mahitabo ha Taiwan Strait.
Suhestyon han senador, ig upod na gihapon na paghag-id o rehearsal an mga commercial vessels nga pwede bumulig ha posible nga pagpapa-uli han 250,000 nga mga Pilipino nga aadto ha Taiwan.
