NATIONAL NEWS– Ginmalatumat han anay gin-aaligar nga bagman ni Vice President Sara Duterte ng hi Ramil Madriaga nga andamn ngan abre ine nga tumestigo ha bisan anu nga impeachment proceedings kun hiya in igpatawag ha Senado, Kongreso, o Office of the Ombudsman.
Ginpahayag han abogado ni Madriaga nga hi Atty. Raymund Palad nga andam an iya kliyente nga sumunod pananglitan nga maka-karawat ine hin subpoena.
Gin-amin gihapon ni Palad nga nahikalasan hiya nga mahibaruan nga iginlakip an affidavit ni Madriaga ha mga impeachment complaint kontra ha bise presidente.
Ha nasabi nga affidavit, gin-akusaran ni Madriaga hi Vice President Duterte nga gumamit han hin salapi tikang ha POGOs ngan drug dealers para pondohan an iya 2022 election campaign.
Ginbuyagyag gihapon ni Palad nga may mga opisyal nga humangyo nga maka-istorya hi Madriaga kasumpay ha iya affidavit.
Subay ha iya nagpakiana hi Mamayang Liberal Party-List Leila de Lima kun pwede ine kaisoryahon an iya kliyente nga dire direkta nga insusumpay ha impeachment proceedings.
Ginkumpirma gihapon ni Palad nga anay in naghangyo hi anay Senador Antonio Trillanes IV nga mabisita hi Madriaga agud nga makahimangraw hine an nasabi nga affidavit.
Dugang pa han abogado, maghahaon hira hin aplikasyon para mapailarom hi Madriaga ha Witness Protection Program matungod ha mga nakarawt hine nga hulga ha iya kinabuhi.
