SPORTS NEWS– Ginatagan pagklaro ni Gilas Pilipinas head coach Tim Cone nga waray pa pinal nga lineup para ha Window 2 han FIBA Basketball World Cup.
Sumala kan Cone, nga ira pa igsasapinal an line up ha mga masunod nga adlaw.
Reaksyon ine ni Cone ha iginpagawas nga listahan han FIBA ha line up han Gilas para ha Window 2.
An mga ine in ginkakalakipan nira: Chris Newsome, RJ Abarrientos, Scottie Thompson, June Mar Fajardo, Cjay Perez, Dwight Ramos, Japeth Aguilar, Kevin Quiambao, Justin Brownlee, Carl Tamayo, AJ Edu, ngan Quentin Millora-Brown.
Makikit-an gihapon an kawaray ha listahan ni Kai Sotto nga mahuhuman la magpaupay tikang ha iya ACL injury.
Una hine, ginmalatumat ni Cone nga ira ginlalauman an pagbulig ni Sotto ha mulay hiton Gilas.
Makaka-atbang naman han Gilas Pilipinas an New Zealand ha Pebrero 26, samtang an Australia naman in ha maabot nga Marso 1, ngan an mga ine in pagdudumaraon ha Mall of Asia Arena.
