SPORTS NEWS– Bumiyahe na pakadto ha Jeddah, Saudi Arabia an Gilas Pilipinas para ha FIBA Asia Cup 2025.
Ginpahayag ni Gilas coach Tim Cone nga ha ira pag-abot in dire nira kakawangon an panahon para makapag-ensayo.
Ha kaluyo hine, nagin malinampuson an ira exhibition game kontra ha Macau Black Bears ngan mayda pira hira exhibiton games laban ha Jordan ha Agosto 2 nga pagdudumaraon ha Jeddah.
Dugang pa ni Cone nga an mga masunod nga adlaw in ig-aalutaga nira ha ensayo.
Kalakip ha mga Gilas players nga pinmakadto ha Saudi Arabia in hira naturalized player Justin Brownlee, Oftana, June Mar Fajardo, CJ Perez, Scottie Thompson, Japeth Aguilar, Jamie Malonzo, Chris Newsome, Dwight Ramos, AJ Edu, Carl Tamayo, ngan Kevin Quiambao.
Magtitikang an mulay han Gilas Pilipinas kontra ha Chinese Taipei ha Agosto 6 .
Sunod naman nira nga makaka-atbang ha Group D anworld number 22 na New Zealand ha Agosto 7.
Samtang an urhi nga mulay han Gilas ha group stage inb an Iraq ha Agosto 9.
