SPORTS – Mabalik ha rawing board an Gilas Pilipinas mahuman an magkasunod nga pagkapirde hini ha New Zealand Tall Blacks ngan Australia Boomers ha ira home games ha presente nga window han FIBA Basektball World Cup Qualifiers.
Dire utro mamulay an pambansang koponan kutob Hulyo, kun diin hira naman an mabisita ha Australia ngan New Zealand agud humanon an siyahan nga round han qualifiers para ha FIBA World Cup nga gaganapon ha Doha.
Bisan man sigurado na an Gilas ha pag-abante ha sunod nga game han kwalipikasyon, importante la gihapon nga makaghipatik hin daog an koponan agud magkamayda hin tyansa nga makuha an tiket ha World Cup.
Sumala kan head coach Tim Cone, kinahanglan pag-andaman han Gilas an mulay hini ha second round, labi na nga maatubang an team ha Middle East sugad han nasud Jordan, Iran, Syria, ngan Iraq.
Ha pagkayana in parehas an Gilas ngan New Zealand ha 2-2 nga kartada, samtang nangunguna naman an Australia ha Group A nga may malimpyo nga 4-0 record.
