Gin amin ni Gigi de Lana nga hiya in na-diagnose nga mayda pericarditis, pira kaadlaw mahuman hiya makaabat hin panluluya ha usa nga gig ha Samal, Davao del Norte.
Ha usa Facebook Live, gintudlok han singer nga an pericarditis in panhuhubag han lining ha palibot han kasing-kasing, nga nagdudurot hin tigdaay nga pagsakit han dughan. Ginmalatumat hini nga naka-eksperyensya na hiya hin mga chest pain o “attacks” nga waray anuman nga senyales.
Gin suhestyunan han singer an iya mga tagasupora nga dire mabaraka mahitungod nga padayon an pagmonitor ha iya han mga doktor.
Ginpahayag gihapon hini nga an musika ngan pagpe-perform in dako nga parte han iya kinabuhi, ngan naghahatag ini ha iya hin kusog ngan kalipayan labi na an ginhahatag nga suporta han iya mga fans.
Gintugutan naman hiya han iya mga doktor nga magpadayon ha pagpe-perform basta sakto an iya pahuway.
Kadaras-an nga sintomas hini nga sakit in an pagsuol han dughan, kakapoy, ngan panluluya.
Dida han nakalabay nga semana, nagsarang an mga viral video nga nagpapakita kan Gigi han pagkatumba hini ha stage, ngan gin buhat tipaubos mahuman nga magperform ha 28th founding anniversary han Island Garden City of Samal.
Subay ha iya management, an rason han iya pagkahimatay in mahitungod ha “extreme fatigue.”
