Natuod hi Senate President Pro Tempore Jinggoy Estrada nga dire maursa an usa nga “ghost project” kun waray kooperasyon han Commission on Audit (COA).
Subay ha senador, kinahanglan igpatawag ha masunod nga pagdungog han Senate Blue Ribbon Committee an mga opisyal han ahensya para mag-ekplikar kasumpay ha mga maanomaliya nga flood control projects han gobyerno.
Ha usa nga privilege speech ni Senador Ping Lacson, iginpaangbit hine an usa nga pie-sharing, o kun patiunan-o gintutunga-tunga an pondo para ha flood control projects, kun diin ada ha 0.5 to 1% an nahingangadto ha Commission on Audit.
Iginrekomenda gihapon ni Estrada nga “heads must roll” o kinahanglan nga mayda magbaton ha mga korapsyon nga ginkakadabihan ha mga proyekto han gobyerno.
Dugang pa hine, posible daw gihapon nga pira nga empleyado han Department of Public Works and Highways (DPWH) an nakorner ha mga kontrata para ha usa nga proyekto.
Sugadman in ada daw ha desisyon la gihapon ni Presidente Ferdinand Marcos Jr., kun tatanggalon hine o dire hi Secretary Manuel Bonoan.
