TACLOBAN CITY – Magtitikang na yana nga adlaw an Gawang Otso Trade Fair ha usa nga mall hiton syudad, nga ginbubug-os han maabot 65 producers tikang ha magkadiru-dilain nga probinsya hiton rehiyon.
Sumala kan Anthea Aivi Borbon Ancheta, Information Officer III hiton DTI Regional Office-8, ika-3 na ine katuig nga ginbubuhat han Department of Trade and Industry Region 8 ha kada bolan hiton Agusto, kun diin makikit-an an mga delicacies nga himo dinhe ha Sinirangan Bisayas.
Usa ine nga aktibidad han DTI-8, kun diin gin-iimbitar nira an Micro Small Medium Enterprises MSME ha sulod hiton 4 kaadlaw.
Panuyuan hine nga trade fair nga ma hasa iton panhuna-huna han mga entrepreneur, ngan mas mapaupay pa han mga producers kun patiuanan-o hira makipag-deal han ira negosyo dire la dinhe haatun lokal kundi pati na ha national.
