Igin pahayag ni Sen. Sherwin Gatchalian an iya suporta ha panukala nga utro pag-adman an oil deregulation law agud matagan hin mas dako nga kapas an gobyerno ha pag-regulate han presyo han lana.
Sumala ha senador, nakapagsalawad na hiya hin panukala nga balaod nga panuyo amyendahan an presente nga polisiya, nga naglilimita ha pakikialam han gobyerno ha fuel pricing.
Ginmalatumat gihapon hini nga kalakip ha pinakaapektado han paghitaas han presyo han lana in an sektor han transportasyon, sanglit naiintindihan niya an mga araba han mga drivers ngan operators.
Sugadman, igin eksplikar ni Gatchalian nga mahirot an gobyerno ha pag-balanse han mga pitad agud mabuligan an publiko samtang ginpapabilin an supresyente nga kita han gobyerno.
Dugang pa, bisan pa man kun pwede makabulig an pagtanggal han excise tax o value-added tax (VAT) ha mga produkto nga petrolyo, in posible gihapon ini makaapekto ha pondo para ha mga subsidiya ngan importante nga serbisyo han gobyerno.
Samtang, manunumduman nga gin aprubahan na han Senado ngan Kamara an panukala nga maghahatag hin kapas kan Presidente Ferdinand Marcos Jr. nga temporaryo nga suspendihon an excise tax ha petroleum products kun kinahanglan.
Ha panmaihaan nga solusyon, gin aghat ni Gatchalian an publiko ha paggamit han electric ngan hybrid vehicles agud maibanan an pagdepende han nasud ha imported nga lana.
