NATIONAL NEWS– Ginpapasigurado ni Senate Committee on Energy Vice Chairman Senador Sherwin Gatchalian ha Department of Energy (DOE) ngan Energy Regulatory Commission (ERC) an waray hunong nga suplay hiton kuryente ha bug-os nga nasud yana nga maabot Mayo 12 adlaw hiton piniliay.
Sumala kan Gatchalian, an bisan anu nga aberya ha kuryente in pwede nga makompromiso an integridad hiton May 2025 National and Local Elections.
Gindig-unan hiton senador nga kinahanglan makipagbinuligay an DOE ngan ERC ha National Grid Corporation of the Philippines, mga distribution utility, power generation companies, ngan mga electric cooperative agud nga masigurado nga mayda sadang nga suplay hiton kuryente ha bug-os nga adlaw hiton piniliay.
Dire pwede nga magkamayda hin tigdaay nga maintenance an mga planta nga waray abiso, ngan kinahanglan naka-andam an ancillary services agud nga dayon ine makabaton pananglitan nga magkamayda hin hitaas nga demand ha kuryente.
Dugang pa hiton senador, kinahanglan an pagkakaurusa han kada sektor agud nga siguraduhon an paru-padayon nga suplay hiton kuryente ha mga presinto ha adlaw hiton election kumo garantiya han transparensiya, seguridad, ngan proteksyon ga demokratiko nga proseso.
