Gin dayaw ni Senator Sherwin Gatchalian an gobyerno ha pagkakasiguro han “safe passage” deal ha Iran, nga dako nga kadaugan para ha Pilipinas ha butnga han padayon nga krisis ha lana durot han kasamok ha Middle East.
Sumala kan Gatchalian, importante an kasabutan kun diin gintugutan han Iran an pag-ago han mga oil tanker han Pilipinas ha Strait of Hormuz, nga nagseserbi nga pangunahon nga ruta han suplay han lana ha kalibutan.
“Iran’s commitment to allow the passage of PH-bound oil tankers through the Strait of Hormuz is a critical win for the country’s national energy security,” sumala ha senador.
Gindayaw gihapon hini an Department of Foreign Affairs (DFA) ngan Department of Energy (DOE) ha malaksi nga pag-aksyon agud matuman an kasabutan. Dugang pa, makakabulig ini agud maibanan an epekto han paghitaas han presyo han lana ngan kakulangan han suplay ha nasud.
Iginpahayag gihapon ni Gatchalian an paglaum nga makakabulig an kasabutan agud masigurado an supresyente nga suplay han lana ha mga masunod nga bulan.
Dugang pa hini, igpapatuman gihapon an mga contingency plans nga iginduduso han Senate PROTECT committee agud mabuligan an mga Pilipino nga apektado han krisis.
Nauna na nga gin kumpirma ni Foreign Affairs Secretary Ma. Theresa Lazaro an nagin pag-iistorya nira ni Iranian Foreign Minister Seyed Abbas Araghchi, nga nag-aabri han dalan para ha talwas nga pag-agi han mga barko ngan Filipino seafarers ha Strait of Hormuz.
