Huminay ha 6.1 percent an inflation dida han nakalabay nga Agosto kumpara ha 6.2 percent dida han Hulyo. Pero nagpapabilin la gihapon an pagkaon an pinakadako nga nagpapamahal ha gastuson han kada Pilipino.
Nakabulig ha paghinay han flood inflation, nga humamubo ha 4.6 percent an pag-barato han utanon, root crops, ngan saging. Huminay gihapon an paghitaas ha presyo han isda ha mga merkado.
Samtang, sumaka naman an presyo han iba pa nga pangunahon nga papliton sugad han prutas ngan tinapay. Sumaka gihapon ha 19.4% an inflation ha bugas mahitungod ha paghitaas han presyo han fertilizer.
Ginsigurado naman ni Agriculture Sec. Francisco Tiu Laurel Jr. nga insakto an suplay han bugas ha nasud mahitungod ha mga naharvest nga humay ngan sayo nga pag-angkat kumo pangandaman ha El Nino.
