TACLOBAN CITY – Naghatag hin promo an usa nga gasoline station ha probinsya han Leyte para ha mga konsumidor nga duro nga naaraba ha paghinitaas han presyo han mga produkto nga petrolyo.
Sumala kan Maureen Mendiola, proprietor han Petro Gazz ha Tanauan, Leyte, nagpatuman hira hin rollback ha presyo han ira mga produkto tikang han Marso 10 kutob buwas nga adlaw Marso 13.
Maabot ha P5.85 an ira rollback ha presyo han kada litro han diesel ngan P3.60 naman ha gasolina, premium ngan unleaded.

Dugang pa hini nga ha mao nga promo in nagsakripisyo an ira kumpanya han ira income ha sakob hin upat kaadlaw para makabulig ha mga konsumidor nga maminimize an epekto han hitaas nga oil price hikes.
Permanente naman nga masurong an ira produkto nga petrolyo nga ginbabaligya tikang han magtikang an ira rollback sanglit nanawagan ini ha mga konsumidor nga sali-aton an mao nga promo kutob buwas nga adlaw.