TACLOBAN CITY – Padayon an panhatag hin fuel subsidy han Tacloban City Agiculture Office ha mga parag-uma ngan paru-pangisda han syudad.
Sumala kan Tacloban City Agriculture Office Head, Romelo Anade, ha kamatuuran in tikang pa dida han nakalabay nga tuig in nanhatag na hira hin fuel subsidy labi na han pagtikang han pag-umento han presyo han lana.
Nakakarawat hin tag-P3,000 an kada rehistrado nga parag-uma ngan paru-pangisda, kun diin pwede ig withdraw o kuhaon an gasolina ha partner nga gasolinahan.
Dugang pa ni Anade, dire nira ginhahatag ha iba nga ahensya o barangay an pandistribwer han subsidiya agud malikayan an pakialam han mga ‘epal,’ sanglit aada la ha ira opisina an ira pag-release.
Samtang, ginpasabot naman hini nga may-ada paghitaas ha iginhatag nga fuel subsidy ha mga parag-uma ngan paru-pangisda, kun diin tikang ha P3,000 in magigin P5,000 na ini.
Ha lain nga bahin, padayon naman an panhatag han subsidiya tikang pa han budget han nakalabay nga tuig ha mga benepisyaryo hini.
