TACLOBAN CITY — Deri daw maigo an fuel subsidy nga igpapanhatag ha mga drivers matungod ha padayon nga paghitaas hiton presyo han petrolyo ini in subay ha usa nga transport group han Tacloban.
Sumala kan Leo Templado, BOD/ Vice Chairman Tacloban Marasbaras Drivers Operators Transport Cooperative, deri tanan nga mga drivers makakarawat han mao nga ayuda nga igpapanhatag han gobyerno.
An mao ngadaw nga fuel subsidy in masyado kahabubo para ha ira labi na yana nga makuri an kahimtang han mga drivers/operators tungod ha pagsirit han presyo han petrolyo.
Naglalaum naman ini nga maa-amyendahan na an oil deregulation law agud deri la daw mga pampubliko nga sarakyan an makakatagamtam han mao nga fuel subsidy kundi an ngatanan nga aada ha transport sector.
