TACLOBAN CITY – Dako daw nga bulig pero diri pa sadang an fuel subsidy nga ginpandistribwer ha mga public utility vehicle (PUV) operators ngan drivers labi na nga padayon la gihapon an paghinitaas han presyo han produktong petrolyo.
Sumala kan Leo Templado, Vice Chairman han Tacloban Marasbaras Drivers Operators Transport Cooperative (TAMADOTCO), nakakabulig ngada duha tubtob tulo kasemana an paggamit han mao nga subsidiya ha mga benefeciaries.
Pero makakasiring daw nga deri pankamaihaan an gamit han mao nga subsidiya ha transport sectors labi na nga diri pa sigurado kun san-o mahuhuman an paghinitaas han krudo ha world market.
Ha pagkayana, tanan han miyembro han ira kooperatiba in nagpakakarawat na hin fuel subsidy ngan ha pagkayana in aada na hira ha proseso han pag-liquidate.
