-- Advertisements --
METRO MANILA – Posible igpagawas na ha masunod nga semana an fuel subsidy han mga driver ngan operators han mga pampubliko nga transportasyon.
Ini an ginkumpirma ni Transportation Sec. Giovanni Lopez.
Sumala kan Lopez, ha oras nga makuha na nira an Notice of Cash Allocation o NCA in titikangan na nira an roll-out han subsidiya.
Dugang pa ni Lopez, nga andam na an ira buhatan ngan Land Transportation Franchising and Regulatory Board ha pandestribwer han ayuda.
Kasumpay hini, ginmalatumat ni LTFRB Chairman Atty. Vigor Mendoza II nga ira pa pagstu-studyohan an benchmarks nga magigin basaran nira ha pandestribwer han ayuda.
Samtang, nakikig-sumpayan naman an LTFRB ha mga Electronic Money Issuers para ha digital distribution han fuel subsidy.
