INTERNATIONAL–Gintikang na an utro nga pag-target han Estados Unidos ngan Israeli Military Forces an mga fuel depots han Iran han Domingo, Marso 8, mahuman an pira ka magkusog nga pagbuto ngan pagsunog ha siyudad han Tehran.
Sumala ba Israeli military, an pagbomba ha mga oil storage facilities han Iran in parte han ira “next phase of war” mahitungod usa ini ha mga nagsusuplay hin krudo ha military forces han Iran nga amo naman an nagtutumong nga igpahilarom pa an danyos ha military infrastructure han nasabi nga nasud.
Nauna naman nga ini in gin-target na gihapon han Israel an dako nga ihap hin mga fuel storage facility han nasabi nga nasud han Marso 7.
Ini in kahuman han nagin pahayag ni US President Donald Trump nga nahangyo ha Iranian Government hin ‘unconditional surrender’ ngan ginmalatumat nga mahuhuman la an giyera ha parte han mga nasud kun sumurrender na an Iran o hasta nga dire na nagana an ira mga military forces.
Samtang, mababaruan naman nga syahan na didi in umaro gihapon hin pasaylo hi Iranian President Masoud Pezehkian ha mga hagrani nga nasud ha magkasurunod nga missle attacks.
Pahayag pa hinu nga mas maupay nga dire magpasakop o magin “mulayan” an mga Gulf nations ha imperyalismo han Estados Unidos ngan magin gamit agud nga ma-target an ira mga teritoryo.
Samtang, mahuman hini in ginpahayag naman han Top Iranian Official Ali Larijani nga babayaran han US an ira mga nagin aksyon ngan magin an ira pagtitikang hin giyera ha Middle East.
