-- Advertisements --
ENTERTAINMENT–Tumalikod na ha kadayunan an French aktres nga hi Brigitte Bardot ha edad nga 91.
Ginkonpirma ini han iya ginpatindog nga foundation pero waray ini ginhatag an rason han pagkamatay hini.
Kilala hiya ha French showbiz kumo B.B.
Aada ha haros 40 ka salida an iya nahimo sugad han ‘…And God Created Woman’ ngan ‘Contempt’ ngan nagin sikat gihapon hiya nga singer ha France han dekada 60.
Mababaruan nga nagretiro ini ha pag-arte ha edad nga 39 han 1973 ngan ginpatindog an Brigitte Bardot Foundation han tuig 1986 nga mag pagprotehar han mga wild nga domestic nga hayop.
Samtang, nagpa-abot naman hin pagkilala ha aktress hi French President Emmanuel Macron.
