NATIONAL- Iginpatuman han Anti-Money Laundering Council (AMLC) an pag-freeze ha 135 bank accounts ngan 27 insurance policies han pira nga indibidwal ngan kumpanya nga dabi ha anomalya han flood control projects.
Ginkumpirma ni AMLC Executive Director Atty. Matthew David nga gin-aprubaran na ni Court of Appeals an freeze order han Setyembre 16, upat ka-adlaw mahuman an pormal nga request han Department of Public Works and Highways (DPWH).
Epektibo an freeze order ha sulod han 30 ka-adlaw ngan gintagan an mga bangko hin 24 oras para igpahibaro ha AMLC an nasasalin nga kantidad han mga account.
Kalakip gihapon ha listahan an 26 nga indibidwal, kadam-an in anay opisyal han DPWH ngan an pira in kontratista, nga naatubang na gihapon ha reklamo nga graft ha Ombudsman.
Kalakip dinhi hira anay DPWH officials Henry Alcantara, Brice Ericson Hernandez, Jaypee Mendoza, John Michael Ramos, at Ernesto Galang, gayundin sina Ma. Roma Angeline Rimando, Cezarah “Sarah” Rowena Discaya, Pacifico “Curlee” Discaya II, Mark Allan Arevalo, Sally Santos, ngan Robert Imperio mula sa mga pribadong kumpanya.
