NATIONAL NEWS– Ginmando han Commission on Audit (COA) an pagdudumara hin fraud audit ha flood control projects ha Bulacan, kumo kaparte han pitad han pambansang gobyerno nga papagbatunon an mga responsable ha mga pumalpak nga proyekto kontra baha ha magkalian-lain nga parte han nasud.
An nasabi nga kamanduhan in nagtikang kan COA Chairperson Gamaliel A. Cordoba, kumo pagsunod ha direktiba ni Pangulong Ferdinand R. Marcos Jr. nga imbestigaran an iregularidad ha flood control program han gobyerno, partikular na yana nga panahon hiton habagat kun diin padayon an pagbaha nga nagdudurot hin pagka-delatar han pakabuhi han apektado nga pamilya.
Ha ginpagawas nga memorandum ginatagan duon ni Cordoba nga siryuso an Presidente kasumpay ha pagpapatuman han mga proyektong partikular ha Bulacan.
Sakop han audit an mga proyekto han Department of Public Works and Highways (DPWH) ha Bulacan, usa nga lugar nga agsob bahaon, kun diin umabot ha P44 bilyon an gin-alutaga han gobyerno.
