METRO MANILA – Pormal na nga gin-appoint ni Presidente Ferdinand Marcos Jr. hi anay Tourism Sec. Christina Garcia Frasco kumo Presidential Adviser for Sustainable and Resilient Communities, mahuman han pira ka semana nga urusturya hiunong han iya pag-resign kumo sekretarya han Department of Tourism.
Sumala han Malacañang, gin-manduan han Presidente hi Frasco nga pangunahan an pagpa-upay han pagpatuman ngan padayon nga pagsigurado han mga prayoridad ha mga pambansa nga programa ha level han komunidad, labi na ha mga lugar nga masukot maigo han kalamidad ngan climate-related risks.
Dungan han iya bag-o nga katungdanan, hi DOT Undersecretary Verna Buensuceso an magsisirbe nga officer-in-charge han Department of Tourism agud masigurado nga padayon an operasyon han ahensya.
An appointment ni Frasco in umabot ha kabutngaan han mga kritisismo nga iya nakuha kasumpay han gin-aalegar nga “self-promotion” ha mga tourism materials han gobyerno, butang nga dako naman hini nga ginpanhimuwa.
Ha ka luyo naman han kontrobersya, nagpapabilin nga hitaas an pagtapud han Presidente ha iya abilidad, rason nga ginbutang hiya ha mas haluwag nga papel nga nakatutok ha pagpapaupay han mga komunidad.
Ini nga pitad in nakikita kumo kaparte han mas halawig nga inisyatiba han administrasyon agud batunon an epekto han climate change ngan extreme weather events ha nasud, labi na nga dida han nakalabay nahipatik han Philippine Atmospheric Geophysical and Astronomical Services Administration o PAGASA an masukot nga pag-eksperyensiya han nasud hin bagyo ngan heat wave.
Ba bag-o nga posisyon, ginlalauman magigin sentro hi Frasco ha pagpapatuman han mga bag-o nga programa pan-komunidad nga magduduso hin karig-on ngan pagpapabilin han pakabuhi han mga Pilipino.
