-- Advertisements --
TACLOBAN CITY– Ginpahibaro han Leyte II Electric Cooperative (LEYECO II), nga gin-aprobaran na ni Presidente Ferdinand “Bongbong” Marcos Jr. an franchise han LEYECO II, nga may panuyo nga masiguro an supply han kuryente ha Tacloban City, Palo ngan Babatngon.
Sumala kan Engr. Feranan Tan, General Manager Leyte ll Electric Cooperative, an Republic Act 12017 in ginpirmahan dida han Agosto 9, 2024 nga naghahatag haLEYECO II hin prangkisa.
Manunumduman, han tuig 2022, an LEYECO II in ginkilala han National Electrification Administration (NEA)
kumo usa han pinakamaupay nga kooperatiba ha kuryente ha nasud.
Ginpaangbit pa hine nga an LEYECO II, an una nga kooperatiba nga gin-aprobaran ha bug-os nga nasud.
