NATIONAL–Ginpaangbit han anay presidential daughter ngan bunso nga anak ni anay Pangulong Rodrigo Duterte nga hi Veronica “Kitty” Duterte nga karuyag han anay Pangulo nga magkamayada hin public gathering in pagselebrar han ika 81 nga kaadlawan hini ha Marso 28.
Sumala kan Kitty Duterte, ha presente in ginpalplano na nira ngan gin-oorganisa kun ano an mga bubuhaton para ha plano nga pampubliko nga katitirok, nga para ha mga tawo.
Dugang pa hine nga waray pa desisyon tikang ha pamilya Duterte kun hin-o ha myembro han ira pamilya an mabiyahe ha The Hague, Netherlands agud nga igsaurog an nasabi nga okasyon.
Ine an ikaduha nga beses nga magseselebrar an anay Pangulo hiton iya kaadlawan ha detention facility han International Criminal Court (ICC) ha The Hague, samtang ginhuhulat an igpapa-ubos nga desisyon han Pre-Trial Chamber I kun padayon nga umabanse ha trial an kaso nga crimes against humanity mahuman an 4 ka adlaw nga confirmation of charges.
