NATIONAL– Kampante hi Nicholas Kaufman nga nakaka-karawat hin sakto nga pagtratar hi anay Pang. Rodrigo Duterte samtang adto ine ha sulod han International Criminal Court (ICC) Detention Centre.
Gintagan duon han lead counsel han anay presidente nga maupay an iya kabutang ha sulod han pasilidad ha kaluyo han iya edad.
Regular gihapon ine nga nagpapailarom ha check-up ha iya panlawas, samtang ginrerepaso an iya health records kada kada mahuhuman an 120 ka-adlaw.
Una na nga ginkompirma ni Kaufman nga nakarawat na han Defense team an kopya han panginano han bug-os nga independent medical team nga ginmanduhan nga manginano ha panlawas han anay presidente, ngan mahibaruan kun akos hine nga umatuabng ha mga hearing kasumpay ha mga kaso nga ginkaka-atubang hine.
Karawat na gihapon han Defense panel nga ha sulod han pasilidad igseselibrar han anay pangulo an kapaskuhan, ha kaluyo han plano nga utro nga maghaon hin petisyon para ha iya temporaryo nga kagawasan.
