TACLOBAN CITY – Gintutugot na nga makasulod ha Sambawan Island dire la an mga lokal nga mga turista kundi pati na gihapon an mga foreign tourists nga karuyag magbakasyon ha mao nga isla.
Sumala kan Maripipi Biliran Mayor Joseph Canonoy Caingcoy, yana nga igpapailarom na ha alert level 1 an bug-os nga probinsya, full capacity na an gintutugot para ha mga turista nga masulod ha Sambawan Island.
An Sambawan Island manggud an usa ha top tourist destination dire la ha Biliran kundi ha bug-os nga rehiyon.
Dire na gihapon magiging strikto an pagsulod ha Biliran ngan ha Sambawan Island tungod nga kinahanglan la han QR code ngan vaccination card.
Kasumpay hini, in ginsisiguro gihapon han pamunuan han mao nga isla nga magiging mahugot an ira monitoring labi na ha mga tikang ha gawas han probinsya sugadman an pagsiguro han proper screening of documents.
