TACLOBAN CITY – Patay an usa nga Foreign National, mahuman nga pusilon an iya kalugaringon ha atubangan ha Brgy. Dampigan Sta. Rita, Samar.
Ginkilala an suspek nga ni Connie Carl Kindrud, usa nga Swedish National samtang ginkilala naman an biktima nga mismo nga asawa hine nga hi Lenyy Kindrud.
Sumala hiton imbestigasyon han kapulisan, nagkamay-ada hin dire pagkaka-intindihay an mag-asawa ha sakob han ira kwarto ngan pira la kaminutos in tigda nala hira may-ada nabatian nga duha nga buto hin pusil.
Nahimo pa han biktima nga makagawas han ira kwarto ngan han makit-an hine han ira kabulig nga duguan, dayun naman hine nga gindara ha hopsital.
Sumala kan PMaj. Rex Pabunan, Chief of Police han Santa Rita Municipal Police Station, dayun naman nga rumesponde an kapulisan ngan kumadto mismo ha balay han mag-asawa han makakarawat han nasabi nga report.
Naabtan han mga otoridad an suspek nga aada ha sakob pa han ira kwarto, ngan han pagpakilala han mga kapulisan ha mao nga foreign national in dayun ine nga bumunot han iya pusil nga hunahuna han mga kapulisan in maato ine haira.
Pero han pagbunot han pusil hine in gintutok ha iya kalugaringon ngan dayon ginkablit an pusil ha iya ulo nga dapit.
Gindara pa ha ospital an suspek pero gindeklara ine nga dead on arrival.
Nagawas ha imbestigasyon nga possible nga selos an nagin motibo ha nasabi nga insidente.
