TACLOBAN CITY – Patay an usa nga fish vendor mahuman nga pagpupusilon ha Brgy. Obrero, Calbayog City.
Ginkilala an suspek nga hi Marvin Catamora samtang ginkilala naman an biktima nga hi Antonio Decayman, 60 anyos an pangidaron ngan residente han mao nga lugar.
Subay ha inisyal nga imbestigasyon, nalingkod la an biktima ha gawas han panimalay hini han tigda nala nga umabot an suspek ngan ginpusil ini.
Nagprobar pa nga umeskapo an biktima para masalbar an iya kalugaringon pero nalanat ini han suspek ngan utro nga ginpanmumusil.
Patay na han maabtan han mga otoridad an mao ngan biktima ngan nakaeskapo naman an suspek pinaagi han purtahan ha luyo han mao nga balay.
Ha pagkayana, in padayon pa an gindudumara nga manhunt operation han mga kapulisan agud nga madakop an suspek ngan masabtan an motibo hini ha pagbuhat ha mao nga krimen.
