NATIONAL NEWS- Ginsigurado ni Budget Secretary Amenah Pangandaman nga nagpapabilin nga madig-on an ekonomiya han Pilipinas ha kaluyo hiton world volatility matungod han nagpapadayon nga fiscal ngan budgetary reforms han administrasyong Marcos.
Ha 2025 Fiscal Policy Conference han Department of Budget and Management (DBM), gintagan duon ni Pangandaman nga an mga reporma nga nakapukos ha transparensiya , accountability, ngan citizen participation in dalan agud nga maparibhong an usa nga nasud.
Dugang pa ni Pangandaman, ha kaluyo han mga ayat ha ekonomiko ngan pampulitika, nagpapabilin nga madig-on an aton ekonomiya, kontrolado an inflation ngan madig-on an employment.
Ginrepresentar naman ni DBM Undersecretary Margaux Salcedo an Project DIME nga may panuyo nga pakusgon an oversight ha paggamit han pondo hiton gobyerno.
Naghatag naman hin sagdon an pira nga mga eksperto nga pakusgon pa an monitoring systems, pagtatangmangulo, ngan digital transformation agud ngan mapabilin an fiscal integrity sugadman mapugngan an korapsyon.
