TACLOBAN CITY – Gindumara kakulop nga adlaw an siyahan nga quarter hiton Nationwide Simultaneous Earthquake Drill, nga ginpangunahan hiton Office of Civil Defense ngan Talcoban City Police Ofiice.
Ine nga earthquake drills nga ginbubuhat ha bug-os nga nasud in pag oobserbahan hiton magkalain-lain nga miyembro han Regional DRM Council ha Regional level, ngan lokal nga NDRMOs ngan iba nga miyembro han council ha lower government level.
Sumala kan Sher Rysiah Saises, Information Officer han OCD VIII, nga an pagdumara hine nga earthquake drills in ginbubuhat nationwide para matagan hin iwag an impormasyon ngan maghatag gihapon pangandaman ha mga linog nga naabot ngan ginaabat dire la dinhe ha rehiyon magin han bug-os nga nasud.
Dugang pa ni Saises, waray mangud mga early warning signs an mga linog, sanglita nga dako nga bulig iton quarterly earthquake drills nga makakaghatag gihapon hin pangandam ha mga LGUs kun nagkakamay ada hin mga kalamidad sugad nala hiton linog ngan tsunami.
Ginaaghat gihapon han mao nga opisyal an publiko, nga bisan waray mga OCD ngan DRM nga nagoobserba, pwede lagihapon mag buhat hiton ira kalugaringon nga earthquake drills an mga eskwelahan, pribado ngan pambuliko nga organisasyon, ngan mga molupyo para mas dumamo pa iton magkamayda hin hibaro kun mag-aano paanglitan nga magkakamay-ada makusog nga mga linog ngan magin andam an mga ine.
