TACLOBAN CITY – Nakatalaan nga magdumara hin Fire Drill Activities ha lima nga barangay han syudad han Tacloban an Tacloban City Fire Station.
An nasabi nga aktibidad in nakakabulig ha mga molupyo nga maedukar ha mga pwede buhaton kun nagkakamay-ada hin sunog, sugadman maedukar kun patiunan-o malilikayan an pagkakamay-ada hin sunog.
Sumala kan Tacloban City Fire Station Community Relations Unit, SFO1 Lorlee Imee Daiz, nakatalaan nga pagdumaraon an nasabi nga fire drill yana nga semana ha mga barangay hiton 110, 99, 92, 62 ngan 54, han syudad han Tacloban.
Labot pa hine in magkakamay-ada gihapon hin Regional Fire Olympics nga bubuligan han mga bombero tikang ha magkaduru-dilain nga mga fire stations ha rehiyon.
Magkakamay-ada gihapon hine Fire Road Show ha maabot nga Marso 20 ngan house-to-house fire safety inspection naman ha Marso 24 ha Brgy. 6, Tacloban City.
Samtang, nanawagan naman hi Daiz ha mga molupyo han syudad nga ig-save an number han BFP agud makaresponde dayun an mga bombero kun may-ada man sunog.
Adi naman an mga numero han 0929-347-5028 ngan 0995-135-3512.
(via Bombo Nina Magpili)
