BORONGAN CITY – Nagin malinampuson an gindumara nga synchronized final testing and sealing dida han Mayo 6, para ha 693 nga mga automated counting machines (ACMs) nga gagamiton ha piniliay yana nga Lunes, Mayo 12, ha Eastern Samar.
Ine in sumala kan Provincial Election Supervisor Atty. Juan Bautista Beato Jr.
Dugang pa hine, an Sinirangan Bisayas an syahan nga naka-100% han buruhaton han final testing and sealing, ngan bisan man kun mayda nga glitches nga na-eksperyensyahan in naresolba man dayun.
Nagpahimatngon naman ni Beato ha mga kandidato nga yana nga adlaw, Mayo 10, an katapusan nga adlaw han pangangampanya.
Naglalaum gihapon hi Beato nga masusunod ine polisiya agud malikayan an pagpagawas hin show cause order kontra ha mga matalapas.
Padayon naman an preparasyon han Commission on Elections (COMELEC) agud masiguro an klaro nga pagbotos han mga molupyo han Eastern Samar.
