Gin pagawas han Samahang Basketbol ng Pilipinas (SBP) an final roster han Gilas Pilipinas nga makikigtumparak ha Window 3 han 2027 FIBA Basketball World Cup Qualifiers.
Nakatalaan ha July 3 ngan July 6 an syahan nga duha nga mulay han nasabi nga roster nga ginkakalakipan han mga masunood: RJ Abarrientos, Justine Baltazar, Justin Brownlee, AJ Edu, June Mar Fajardo, Chris Newsome, Mike Phillips, Kevin Quiambao, Dwight Ramos, Troy Rosario, Carl Tamayo, ngan Scottie Thompson.
Ha ilarom han Asian Qualifiers nga nakatalaan tikang Hunyo 29 kutob Hulyo 7, 2026, tulo nga lugar an magseserbi nga venue ha mga nakatalaan nga mulay.
Ginkakalakipan ini han Spark Arena ha New Zealand kun diin dinhi pagbubuhaton an mulay kontra ha Tall Blacks (NZ national team) ngan han Pilipinas ngan Tall Blacks kontra Guam.
An iba nga mulay in nakatalaan ha Jordan, Qatar, ngan iba pa nga nasud.
