NATIONAL NEWS- Naghimo hin historya hi Filipino gymnast Carlos Yulo mahuman nga madukdok hine an pinakasyahan nga gold han Pilipinas ha floor exrcise han Paris Olympics 2024.
Hi Yulo an pinakasyahan nga Filipino gymnast nga nakaabot ha podium ha ngatanan nga edisyon han Summer Games.
An 24-anyos nga gymnast in nakakuha hin 15.000 points ha almost perfect hine nga routine nga mayda naman 6.6 points para ha difficulty ngan 8.400 points para ha executions.
Para makuha an syahan nga gold in ginkinahanglan hine nga perdihon an defending gold medalist nga hi Artem Dolgopyat han Israel ngan hi Britain’s Jake Jarman nga nangunguna han qualification round.
Nakatalaan naman ine nga magmulay pa ha men’s vault finals yana nga adlaw, alas-10 hiton gab-i, oras ha Pilipinas, para han ikaduha nga higayon nga makakuha hin kadugangan nga gold.
