SPORTS NEWS– Gindomina han Philippine Women’s National Football Team an Cambodia ha score nga 6-0 ha 2026 AFC Women’s Asian Cup qualifiers.
Matungod dinhi, ada ha syahan nga pwesto an Filipinas ha Group C mahuman nga piradihon nira an Saudi Arabia ha 3-0.
Nakaghipatik han ira syahan nga goal hi Alexa Pino ha sulod la hiton 18 minutos han mulay, ngan kahuman la han usa kaminuto in naisulod ni Meryll Serrano an usa pa nga goal.
Pag-abot han 36 minuto in utro nga nahisulod ni Serrano an goal ngan ugsa nga mahuman an half in nahisulod naman ni Sofia Wunsch an lucky break.
Ha halftime para han mulay in waray na hira magpa kompyansa an Filipinas team bisan ha kaluyo nga kapot nira an kalamangan nga 4-0 kontra ha host country.
Nakaghipatik gihapon hin goal hi Chandler McDaniel ha sulod han 56th minutes han mulay.
Sunod naman nga makaka-atbang han Filipinas an Hong Kong ha Hulyo 5
