SPORTS–Gin-aandaman han women’s football team nga Filipinas an mulay ine ha finals kontra Vietnam ha nagpapadayon nga ika 33 nga Southeast (SEA) games ha Bangkok Thailand.
Nakasulod ha gold medal match an Filipinas mahuman nga mapirdi nira an home team nga Thailand 4-2 ha penalties ngan nahuman ine ha 1-1 nga tabla ha extra time.
Nabingwit nira Sara Eggesvik ngan Hali Long an decisive goals para ha Filipinas samtang pakyas naman an Thailand ha duha nga attempt hine.
Nakatalaan naman nga maka-atubang nira ha finals an nasud Vietnam.
Pananglitan nga magkampeon ini na an syahan nga higayon nga makakuha an Filipinas hin gold medal mahuman nga nakakuha hin mga bronze medals han 1985 ha Bangkok ngan nautro pa ini mahuman an 3 katuig ha Hanoi Vietnam.
