TACLOBAN CITY – Opisyal na nga gin-tikangan kakulop nga adlaw, Nobyembre 4, han Department of Trade and Industry (DTI) Region 8 an 3-day Fiesta Haraya 2024 han Sinirangan Bisayas.
An syahan nga aktibidad in amu an Creative Visual Art Exhibit ngan Creative Shot nga ginbuhat ha Ground Floor han mall ha Abucay kaupod an magkaduru-dilain nga mga opisyla ngan artist.
Panuyo hine nga makilala an mga membro han Creative Industry ha Region 8, ngan ma-promote gihapon dire la an visual, kundi pati an Performing, Digital Arts, ngan Software Development.
Sumala kan DTI Region 8 Information Officer, Anthea Aivi Borbon-Ancheta, ginduduso han DTI 8 an sobra pa ha art, passion, ngan talento kun diin pwede daw liwat ine nga magin entrepreneurial o pagkitaan ngan posible gihapon nga madiskubre an mga artist han Sinirangan Bisayas.
Pagbubuhaton naman yana nga aga an Creative Forum han nasabi nga aktibidad ha People’s Center kun diin igpapahayag han magkaduru-dilain nga ahensya han gobyerno an mga inisyatiba nga ira ighahatag ha agud ma-develop an potential han Creative Industry ha Region 8 ngan kun anu ba an gintatawag nga Philippines Industry Development.
