NATIONAL – Nagpahimatngon an Food and Drug Administration (FDA) kontra ha mga health products nga naguba o naapektaran ha nakalabay nga haluag nga pagbabaha.
Subay hiton ahensya, damo nga mga factory, warehouse o mga bodega, ngan pa nga mga establisyemento nga naghihimo, nagpo-proseso, nagre-repack, ngan nag-iistock hin mga health products an nalunod ha tubig-baha.
Labit pa hine, damo gihapon nga mga drugstore ngan mga retail outlet an nalunod ha baha.
Subay ha FDA, damo an magpu-prubar nga ig baligya an mga nasabi nga produkto ngan manbibiktima ha mga kunsumidor.
Mahitungod hine in igin duon han ahensya nga an exposure han mga produkto ha tubig-baha in nahin kawsa agud makompromiso an kalidad, kasiguraduhan, ngan pagigin epektibo han mga ine.
Ginpahimatngunan hine an mga establisyemento nga dire na igbaligya an mga nasabi nga produkto mahitungod nga sigurado nga mako-kompromiso an panlawas han magamit hine.
